විලම්බිත අක් බඹරු මත් කරපු මල් කැකුළු...

පුර පෝය හඳින් මුළු අහසම පිරී	ඉතිරිලා
අහස් තලය පුරා හිදිය තරුද	සැගවිලා
මුලු අහසම සඳ එලියෙන් පිරී	ඉතිරිලා
සිත් අහසම ඒ එලියෙන් අලංකෘත	වෙලා
වියලුන සිත් සමුදු සඳ දියෙන්	නැහැවිලා
අඩවන් නෙත් සිසිලැති සඳ රැසින්	පිබිදිලා
හිරු අවරින් තටු මත සිසිලසක්	ඇතිවෙලා
අක් බඹරුන් වන මල් සුවඳට	මත්වීලා
වසඟ කරපු වන මල් රොන් සුවඳ	සොයාලා
සුවදැති මඳමරු දෙන සිසිලසට	වැටීලා
අරුණ සමග රොනට වඩින ලෙසින්	රැවටිලා
බඹරු ඇදෙයි වල්මත් කල මල් කැකුළු	සොයාලා
මල් කැකුළු අතර පිබුදුන මල් හසරැලින්	සැරසිලා
සුවඳ නැතත් සඳ සිරියේ සිසිලසින්	සැරසිලා
සුලං සරේ රිද්මයේ තාලයෙන්	නටාලා
බඹරුනට අත වනයි රාගයෙන්	මත්කරාලා
වෙනදා නැති සඳ එලියක් දුටු	බඹරින්දූ
මග හමුවෙන හැම මල් වෙත නෙත් සිත්	රැන්දූ
නෙත ගැටෙනා මල් කොඳුරයි රාගෙන්	සින්දූ
යන මඟ වියරුව වෙහෙසෙයි මේ	බඹරින්දූ
තටු සලමින් මල් ඇති මග පියබා	මත්වී
සිත් ඇතුලෙන් දළුලා එන රාගින්	රත්වී
ගතට වඩා සිත් සොයනා රාගෙට	ලොල්වී
මල මත වැතිරෙයි මෘදු සුවදට	ලන්වී

සයුරතින් ඉම පෙනෙන නිල් දෙනෙත...

නීල අහසේ නිදහසේ පාවෙන

සඳ සෙවනේ සිසිලස විදින

සිහින් හිරු උනුහුමින් අවදිවන

සිසිනිදු පිහාටුව වෙමි  
කිරිල්ලියකගෙන් ගිලිහුන.....

සිසිලැල් සුළගින් පාවි විත්

නුබෙ සිත් සයුර දුටු සඳ

නිම්හිම් නැතිව පාවී හිදිනට

හද ඉගිකලා සිතටත් හොරෙන්

නිල් දෙනෙතට නුබෙ දගකාර

සෙනෙහසෙ පවන් රොදක්ව විත්

නුබෙ හදවතේ රිද්මයට

සවන් දෙන්නද තුරුලට වෙලා...

නමුදු,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ක්ෂිතිජයේ කොනක හිද

මා දෙස බලා හිදින දිනකර

කොදුරා කියයි මා  දෙසවනට

ඇති ගව්ව නුබෙ හදවතට

සියත් ගව්වක් දුරක සිටියත්

නුඹ දනි මහඳ නුබෙ සිත් මඩලේ වග

කුමරියේ මා පායා එන්නම් අරුනළු අරන්

සදා දෙනෙතට තුටු කදුළු දෙන.....................................!